Mga Bading Na Pogi, Bida sa Bagong Segment ng 'It's Showtime' na 'I Am Pogay'

Hindi lahat ng mga bading ay gustong maging beauty queen, dahil marami sa kanila, kuntento na sa kanilang gandang lalaki. Ang mga bading na ito ang mga bida at bagong tinitilian sa bagong segment na "I Am PoGay" ng nangungunang noontime show na "It's Showtime."

Pagkatapos pumatok ang "That's My Tomboy," pagkakataon naman ng mga bakla na ipamalas at maglaban-laban sa kapogian, talino, at talent sa "I Am PoGay."

Gumawa na ito ng ingay online dahil sa teaser pa lang na ipinalabas noong nakaraang linggo kahit hindi pa man ito opisyal na inilulunsad. Talaga namang inabangan ng publiko ang una nitong contestants kung kaya't nag-numero uno ang hashtag na #IAmPoGay sa listahan ng trending topics sa buong mundo sa launch nito noong Sabado (Jan 18).

Para sa mga gustong mag-audition para sa "I Am PoGay," pumunta lang sa ABS-CBN Audience Entrance sa Quezon City at hanapin si Danjosh Zacarias mula Lunes hanggang Biyernes, 3-6PM at magdala ng valid ID, pictures, at audition materials.

Maaarin ring mag-audition online sa pamamamagitan ng pag-email ng pictures at contact information ng contestant sa iampogay@gmail.com.

Manatiling manood ng "It's Showtime," 12:30PM mula Lunes hanggang Biyernes at 12NN tuwing Sabado kasama ang hosts na sina Anne Curtis, Vice Ganda, Vhong Navarro, Billy Crawford, Karylle, Kuya Kim Atienza, Teddy Corpuz, Jugs Jugueta, Jhong Hilario, Ryan Bang, Coleen Garcia, at Eric 'Eruption' Tai sa ABS-CBN. Para sa updates ng programa, sundan ang @ItsShowtimena sa Twitter o i-like angwww.facebook.com/itsShowtimena.