"BET ON YOUR BABY'S" NEW YEAR EPISODE, A LIFE CHANGER FOR ONE CHILD

Camping sa tabing-dagat, pagluluto ng masasarap na putahe, at quality time kasama sina Yohan at Lucho—ilan lang 'yan sa mga sinulit na gawin ng "Bet On your Baby" host na si Judy Ann Santos-Agoncillo bago matapos ang nak alipas na taon kasama ang kanyang buong pamilya. 

Ngunit sa kabila nga mga activities na ito ay hindi nakalimutan ng pamilya  ni Juday na manalangin at magpasalamat sa Diyos para sa mga biyayang kanilang natanggap. 

Sa kanyang Instagram post noong huling Linggo ng 2013 ay hinikayat niya ang bawat pamilyang Pilipino na ipagdasal na manaig ang pag-ibig at kapayapaan hindi lang sa loob ng kanilang pamilya kundi maging sa buong bansa. 

"Let's all give thanks and ask for peace and protection for our families and for our country," ani Juday.

Noong Sabado (Enero 4), masaya ring sinalubong ni Juday ang New Year episode ng top-rating game show na "Bet On Your Baby". 

Buena Mano para sa nasabing episode ang pagkapanalo ni Baby Rex delos Reyes ng Angeles City, Pampanga ng P300,000 sa jackpot round ng tinaguriang cutest game show sa bansa. 

Ngayong Sabado (Enero 11) naman, tatlong baby muli na mula sa mga simpleng pamilya ang magpapaligsahan.

Sino kaya kina Baby Chrystian Burke na anak ng isang tattoo artist, Baby Amber Oleta na anak ng isang recruitment officer, at Baby Rein Marañon na anak ng mga bangkero ang aabot sa jackpot round? 

Isa kaya sa kanila ang tanghaling kauna-unahang babynaryo ng 2014? 

Huwag palampasin ang "Bet On Your Baby" tuwing Sabado sa ABS-CBN pagkatapos ng "TV Patrol Weekend". Para sa mga update, i-like ang "Bet On Your Baby" sa Facebook (www.facebook.com/betonyourbabyph)at sundan ang @betonyourbabyph sa Twitter o ang betonyourbabyphilippines sa Instagram. Patuloy din na pag-usapan ang game show gamit ang hashtag na #BetOnYourBabyPH.