Julia Montes, Naghahanap ng Pagmamahal
Ibabahagi ni Julia Montes sa TV viewers ang halaga ng pagmamahal para sa sarili ngayong Sabado (Pebrero 22) sa award-winning fantasy-drama anthology ng ABS-CBN na “Wansapanataym.” Gagampanan ni Julia sa episode na pinamagatang ‘Three in One’ ang karakter ni Trina, isang probinsyanang nais makuha ang pagtanggap at pagmamahal ng mga tao sa paligid niya. Dahil sa kahilingan niyang manamit at maging katulad ng kanyang mga kaklase, pagkakalooban si Trina ng isang mahiwagang bato na magbibigay sa kanya ng kakayahan na gumawa ng panibagong katauhan na ayon sa kanyang kagustuhan. Matutunan kaya ni Trina na mahalin at tanggapin ang kanyang sarili kapag nawalan siya ng kontrol sa mga pagkataong nilikha niya? Tampok din sa ‘Three in One’ episode sina Malou Crisologo, Robi Domingo, at Eda Nolan. Ito ay sa panulat ni Noreen Capili at direksyon ni Erick Salud. Huwag palampasin ang Best Development-Oriented Children’s Program ng 2014 UPLB Gandingan Awards na “Wansapanataym” ngayong Sabado ng gabi, pagkatapos ng “Bet On Your Baby” sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
0 comments :
Post a Comment