Halos 15,000 na Kapamilyang Dabawenyo ang nakisaya at nakipag-bonding sa pinakamakikinang na stars ng ABS-CBN sa espesyal na back-to-back events nito para sa taunang “Araw ng Dabaw” noong Marso 14 at 15.

Dinagsa ng 5,000 katao ang ang ‘Salamat Kapamilya’ event sa Abreeza Mall noong Marso 14 na pinangunahan ng pinakabagong love team ng young stars na sina Enrique Gil at Julia Barretto.

Hindi pa man nagsisimula noon ang pinagbibidahan nilang primetime fantaserye na “Mira Bella” ay mainit na silang tinanggap ng mga dumalo. Nag-perform ang dalawa ng isang nakakakilig na production number bilang pasasalamat sa walang-sawa pagsuporta ng mga Dabawenyo sa Kapamilya network.

Tuloy-tuloy rin ang kasiyahan sa Marso 15 sa “Kapamilya Karavan” na dinaluhan ng 10,000 Kapamilya sa SM City (Ecoland) parking lot.

Pinainit ang nasabing event ng “Dyesebel” leading man na si Gerald Anderson, na tinilian at pinakilig ang fanssa kanyang song and dance number.

Pinagkaguluhan naman ang “The Legal Wife” stars na sina Maja Salvador at Joem Bascon sa handog nilang performance at sorpresa.

Nagbigay-saya rin sa mga dumalo ang ilang miyembro ng cast ng long-running hit teleserye “Be Careful With My Heart” na sina Tart Carlos, Vivieka Ravanes, JM Ibanez, Marlo Mortel, Janella Salvador at Jerome Ponce.

Ang 'Salamat Kapamilya' at 'Kapamilya Karavan' ay handog ng ABS-CBN Regional Network Group sa lahat ng Kapamilya viewers na ipinagdriwang ang taunang Araw ng Dabaw.

Magaganap na ang ultimate throwback ng taon sa telebisyon sa pagbabalik ng Asianovelang minahal ng maraming Pilipino, ang “Meteor Garden,” ngayong Lunes (Mar 31) sa ABS-CBN at JeepneyTV.

Sa unang pagkakataon, mapapanood ang Asianovelang nagsimula ng lahat sa dalawang channels kaya naman hindi lang isang beses, kung hindi dalawang beses ng mapapanood ang kinahumalingang kwento ni Shan Cai (Barbie Xu) at ng nagagwapuhang F4 na sina Dao Ming Si (Jerry Yan), Hua Ze Lei (Vic Zhou), Mei Zuo (Vanness Wu), at Xi Men (Ken Zhu). Mas matagal din silang makakabonding tuwing hapon at gabi dahil hindi lang 30 minuto kung hindi isa’t kalahating oras din na matutunghayan ang nagbabalik-telebisyong Taiwanese series.

Ang espesyal na handog na ito ay bahagi ng pagdiriwang ng mahigit sampung taon ng Asianovela sa Philippine television. Ito ay para sa “Meteor Garden” generation na talaga naming nabaliw sa serye noong 2003 at para na rin sa bagong henerasyon ng mga manonood na tiyak mahu-hook din sa nakakakilig nitong love story.

Sariwain ang kakaibang hairstyle at fashion trends pati na ang nakaka-LSS na theme songs at balikan ang Ying De University kung saan naghahari ang F4 o Flower Four.

Kilabot na grupo ang F4 at ang sinumang hindi nila magustuhan ay nakakatanggap mula sa kanila ng Red Card.  Ito ang magbibigay pahintulot sa lahat ng estudyante para i-bully hanggang umalis ang estudyanteng nakatanggap ng card.

Isa sa makakatanggap nito ay ang simple ngunit palabang si Shan Cai. Hindi ninais ni Shan Cai na pumasok sa Ying De at makihalubilo sa mga anak mayamang naroon, pero dahil sa kagustuhan ng ina ay mapipilitan siyang mag-aral dito.

Magsisimula maging impyerno ang buhay ni San Chai nang bigyan siya ng Red Card at apihin ng halos lahat ng makakasalubong niya. Ngunit sa kabila nito, mananatili siyang matatag hanggang sa unti-unti niyang makuha ang respeto ng F4. Magbabago ang takbo nang lahat ng mahulog ang loob sa kanya ng lider mismo ng grupo na si Dao Ming Si. Pero paano rin kaya magbabago ang samahan ng magkakaibigan kung pati si Hua Ze Lei ay mahulog rin para sa dalaga?

Huwag palalampasin ang muling pag-uumpisa ng meteor fever sa bansa ngayong Lunes (Mar 31) sa pilot telecast ng “Meteor Garden” sa ABS-CBN, 3:15 PM pagkatapos ng “Moon of Desire,” at sa JeepneyTV(SkyCable ch 9), sa ganap na 8 PM.

Binibini #13 Kris Tiffany Janson won Best in National Costume and Miss Photogenic. Can she make it to the Top 5 in tonight's Bb. Pilipinas 2014 coronation night?

Sasalubungin ng ABS-CBN ang summer gamit ang naglalakihang mga ngiti mula mismo sa mga ordinaryong Pilipinong bibigyang pugay sa pinakabagong summer station ID ng Kapamilya Network na mapapanood na sa Linggo (Mar 30) sa “ASAP 19.”


Pinamagatang “PINASmile: Masayang Muli ang Kwento ng Summer Natin,” ibibida ng 2014 summer station ID ang bansa bilang natatanging destinasyon na tunay na maipagmamalaki ang kagandahan at makulay na kultura sa bawat rehiyon pati na rin ang mga kwento sa likod ng nakakahawang ngiti ng mga Pinoy.

“Palagi pa ring nakangiti ang mga Pilipino sa kabila ng hirap ng buhay. Nakakahanap tayo ng kaligayahan maging sa maliliit na bagay. Marunong tayong magpasalamat at naniniwala tayo sa kabutihan ng mga puso ng kapwa natin. Kaya naman sa kabila ng kalamidad na kinaharap ng bansa ay nananaig ang pagiging positibo ng mga Pilipino,” sabi ni ABS-CBN Creative Communications Management head Robert Labayen.

Layunin ng station ID, na inawit at binigyang buhay nina Kathryn Bernardo at Daniel Padilla, na ilabas at mahuli sa camera ang totoong kaligayahan mula sa simpleng mga mamamayan. Mismong Kapamilya stars at news personalities ang nagsilbing tagakuha ng litrato at nag-ikot sa iba’t ibang bahagi ng bansa para masilayan ang hindi matatawarang mga ngiting ito.

Naging photographer ang Queen of All Media na si Kris Aquino at nag-selfie pa kasama ang mga babaeng Ivatan sa Batanes, habang nag-ikot ikot naman sa Luneta sina Andi Eigenmann, Bea Alonzo, at Zaijian Jaranilla. Mga ngiti naman ng taga-Mt.Pinatubo ang kinunan ng larawan nina Angelica Panganiban, John Prats, at Zanjoe Marudo.

Kasama rin sa lugar na pinuntahan ang mga probinsyang hinagupit ng mga sakuna partikular na ang Bohol kung saan sinorpresa ang mga taga-roon ni Piolo Pascual, Samar na pinuntahan mismo ni Noli De Castro at Leyte kung saan naman bumisita sina Atom Araullo at Ted Failon.

“Ang mga nakakataba ng pusong mga kwento at maiinit na ngiting ibinigay ng mga tao sa mga lugar na nasalanta ay patunay na matapang at masayahin ang mga Pilipino sa kabila ng lahat ng unos,” paliwanag ni Labayen. “Kaya naman pasayahin nating muli ang kwento ng summer natin at ipakita sa buong mundo na ang Pilipinas ay isang masayang lugar na dapat puntahan at balik-balikan.”

Ang “PINASmile: Masayang Muli ang Kwento ng Summer Natin” theme song ay sinulat nina Robert Labayen, Lloyd Oliver Corpuz, Christer Salire, Revbrain Martin, Jill Cabradilla-Aspiras, Mark Raywin Tome, at Christine Daria Estabillo. Ang musika naman ay nilikha nina Bojam at Thyro ng FlipMusic kasama rin sina RB "Kidwolf" Barbaso at Nica Del Rosario. Ito ay sa ilalim ng direksyon nina Paolo Emmanuel Ramos at Peewee Gonzales.

Ang 2014 ABS-CBN Summer Station ID ay gawa ng ABS-CBN Creative Communications Management sa pangunguna nina Robert Labayen, Johnny Delos Santos, Patrick de Leon at Ira Zabat. Kabilang sa station ID creative and production teams sina Danie Sedilla-Cruz, Edsel Misenas, Kathrina Sanchez, Dang Baldonado, Tina Barbin, Sheryl Ramos, Christine Joy Laxamana, Christian Faustino, Lloyd Oliver Corpuz, Carlota Rosales, Carla Payongayong, Jonathan Perez, Adrian Lim, Chiz Perez, Raywin Tome, Christine Daria Estabillo, Ermil Sanchez, Mark Bravo, Love De Leon, video editors Lorenz Morales and Con Ignacio, logo designer Roger Villon, logo animation Meryl Miranda, print and graphics design head Carmelo Saliendra, motion graphics and brand identity head Oliver Paler,  post production specialists Alfie Landayan at Rap Dela Rea, ABS-CBN TV Entertainment, ABS-CBN News and Current Affairs, ABS-CBN Regional Network Group, Star Magic, at Choose Philippines team.

Bahagi rin ng station ID sina technical and production unit head Jaime Porca,  technical promo specialist Antonio Medrano Jr., production designer Joon Ku, recording audio engineer Rick James Payumo,  director of photography Rommel Sales,  videographers Tim Aguirre, Joseph Delos Reyes, Mico Manalaysay, Sheryl Ramos, Christine Joy Laxamana, Edsel Misenas, at Carla Payongayong, photographer Aileen Gooco, talent casters Mary Ann Rejano at Remy Sotto, location manager Marvin Bragas; at production coordinators Jesusa Canilang at Austin De Guzman.

Talaga namang pinahanga ni Haydee ang mga hurado at ang madlang people dahil sa versions niya ng All By Myself ni Eric Carmen at Listen ni Beyoncé kaya siya ang itinanghal na champion para mag-uwi ng P300,000 na grand prize.

“Sa ginawa mo, hindi mo ginaya ang original singer. Kahit na contest ito, hindi ka nag-perfoem, nag-express ka lang ng sarili mo, kung anong galing sa puso mo. I was so impressed, higit pa doon,” komento ng huradong si Gary Valenciano sa performance ni Haydee.

Samantala, pinangalanan namang first runner-up si Carmelita Abrenica na nanalo ng P200,000, at second runner-up si Charlie Fry na may P100,000.

Malapit nang umahon si Anne Curtis bilang "Dyesebel"

Simula ngayong March 22, siguradong may bagong pakakaabangan na naman ang mga Pinoy viewers tuwing Sabado sa pagsisimula ng inaabangang dance competition ng TV5, ang CELEBRITY DANCE BATTLE.

Sa pangunguna ng nag-iisang Dance Goddess ng Philippine television, Ms Lucy Torres-Gomez, babaguhin ng Celebrity Dance Battle ang ballroom dance competitions lalo na at maglalaban-laban ang mga celebrities kasama ang kanilang mga dance partners na determinado ring manalo at umuwing mga champions. Magsisilbing co-hosts ng Dance Goddess ang NCAA heartthrobs na sina Anthony and David Demerad, o mas kilala bilang Semerad Twins.

Sa kanilang launch month, ihahatid ng Celebrity Dance Battle ang unang batch ng kanilang celebrity contestants mula sa iba’t ibang fields of interests. Tiyak na masu-sorpresa at mamamangha ang mga PBA fans na makita ang mga footwork ni “El Granada” Gary David sa dance floor. Mapatunayan nya kaya ang pagiging “El Granada” ng hard court sa dance arena? Sigurado namang paiinitin ng actress-host na si Valerie Concepcion ang dance floor sa kanyang trademark na mga sultry moves. Samantala, ipapakita naman ni Priscilla Meirelles na hindi nawala ang kanyang dance prowess lalo na at bumalik na muli sya sa kanyang ka-sexy-han. Hindi rin pahuhuli ang transgender beauty at Miss International Queen 2012 titleholder na si Kevin Balot sa pagpapakita ng kanyang mga ballroom stunts.  

Sino kaya kina Gary David, Valerie Concepcion, Priscilla Meirelles at Kevin Balot ang tatanghaling 1st monthly winner na lalaban sa Celebrity Dance Battle grand finals? Lahat sila ay daraan sa mga mapanuring mata ng mga batikan at di matatawarang judges ng Celebrity Dance Battle na kinabibilangan ng dance guru at kilalang choreographer na si Douglas Nierras, international ballroom professional at dance Olympian na si Edna Ledesma, actress-host at dance diva G Toengi, at professional model at international celebrity Allison Harvard (ng America’s Next Top Model fame)

Mapapanood ang Celebrity Dance Battle tuwing Sabado, 7:45pm, simula March 22.

Now on its 12th season, TV5’s Who Wants to be a Millionaire—one of the longest-running game shows airing on Philippine TV today—will feature in its upcoming season opener two key players of the heroic Gilas Pilipinas basketball team: LA Tenorio and Larry Fonacier.

Both known for their hard-court tenacity and basketball prowess, the two former teammates of the Ateneo de Manila University Men’s Basketball Team will once again team up, not to scramble over a basketball but, this time, to face the various questions that will be thrown at them by Bossing Vic Sotto.

Will their tried-and-tested teamwork be challenged in this episode? Will the shooting skills of Tinyente LA and Larry ‘the baby face assassin’ be as sharp as their knowledge as they attempt to bring home the P2 million grand prize for their chosen charity,Hope for Coby?

This special pilot episode of Who Wants to Be a Millionaire will definitely be just as intense and nerve-wracking as a real basketball game, so be sure to tune in this Sunday, March 23, 7:15pm only on TV5!

Sunod-sunod ang pagkilalang natatanggap ng mga bida ng “The Legal Wife” na sina Angel Locsin and Jericho Rosales.

Matapos tanghaling Best Supporting Actress sa Gawad Pasado Awards 2014 noong Pebrero, pinarangalan si Angel kamakailan bilang Best Female TV Personality ng unang UmalohokJuan Awards ng Lyceum of the Philippines sa Maynila.

Nadagdag naman sa listahan ng pagkilala ni Jericho para sa pelikula niyang “Alagwa” ang iginawad sa kanyang Ani ng Dangal Award ng National Commission for Culture and the Arts (NCCA).

Samantala, mas magliliyab ang primetime TV sa mapupusok na eksenang magaganap sa pagitan ng mga karakter nina Jericho at Maja Salvador sa top-rating primetime teleserye ng ABS-CBN na “The Legal Wife,” lalo na’t bumibigay na ang mister ni Monica (Angel) na si Adrian (Jericho) sa mapanuksong ganda ni Nicole (Maja).

Hanggang saan aabot ang kapusukan nina Adrian at Nicole? Paano malalantad kay Monica ang relasyon ng kanyang asawa sa kanyang bestfriend?

Huwag palampasin ang top-rating family drama series, “The Legal Wife” gabi-gabi pagkatapos ng “Ikaw Lamang” sa Primetime Bida ng ABS-CBN.

Pagkapit sa pangarap at pagpupunyagi para sa pamilya ang mahahalagang aral na ibabahagi sa viewers ng "Maalaala Mo Kaya" ng life story ni Rose “Osang” Fostanes, ang Pinay grand winner sa unang "X Factor Israel." 

Gaganap bilang Osang sa "MMK" ng ABS-CBN ngayong Sabado (Marso 22) ang "Be Careful With My Heart" cast member na si Vivieka Ravanes. 

Tuklasin sa "MMK" ang mga pinagdaanang pagsubok at sakripisyong ginawa ni Osang alang-alang sa kanyang pamilya. Mula sa pagiging beterana sa pagsali sa mga amateur singing contest, nakipagsapalaran si Osang bilang OFW sa Dubai, Egypt, Lebanon, at Israel. 

Gaano kahirap para kay Osang na magtrabaho sa ibang bansa at bitawan ang kanyang pangarap na maging isang singer? Sa gitna ng simple niyang buhay bilang OFW, paano siya muling napasabak sa pag-awit at napasok sa "X Factor Israel"? Totoo bang muntik na siyang sumuko sa gitna ng kompetisyon? 

Bahagi rin ng 'Rose Fostanes Story' ng "MMK" sina Barbie Sabino, Irma Adlawan, John Arcilla, Franco Daza, Shey Bustamante, Marikit Morales, Ronalisa Cheng, Louise Bernardo, Tina Paner, at Niña Dolino. 

Ang upcoming "MMK" episode ay sa ilalim ng direksyon ni Mae Czarina Cruz, panulat nina Joan Habana and Arah Jell Badayos, at pananaliksik nina Akeem del Rosario at Juvien Galano. 

Ang “MMK” ay pinamumunuan ng business unit head nito na si Malou Santos, production manager na si Roda Dela Cerna, at executive producers na sina Lindsay Anne Dizon at Niña Daynata. 

Huwag palampasin ang longest-running drama anthology sa Asya, “MMK" ngayong Sabado ng gabi pagkatapos ng “Wansapanataym” sa ABS-CBN. Para sa iba pang updates, mag log on sa MMK.abs-cbn.com, sundan ang @MMKOfficial sa Twitter, at i-like ang Facebook.com/MMKOfficial.

Makilublob sa init at saya ng summer kasama ang "Dyesebel" stars na sina Anne Curtis, Gerald Anderson, at Sam Milby na pasisiklabin ang star-studded party ng “ASAP 19” ngayong Linggo (Marso 16) sa kanilang special production number para sa grand launch ng inaabangang fantaserye kasama ang co-stars nilang sina Dawn Zulueta, AiAi delas Alas, Eula Valdez, Zsa Zsa Padilla, Gabby Concepcion, Andi Eigenmann, Ogie Diaz, Bangs Garcia, plus the whole cast.

Sunud-sunod na selebrasyon ang matutunghayan sa "ASAP 19" sa handog na pamamaalam at pasasalamat nina Andrea Brillantes, Zanjoe Marudo, Denise Laurel, Kaye Abad, at Carlo Aquino sa mga sumubaybay sa top-rating serye na “Annaliza.”

Dadagdag pa sa ultimate concert experience ang show-stopping hits na handog nina Abra at Chito Miranda, Sponge Cola, Karylle at, Xian Lim, at ang the top-caliber musical showcase ng X Factor Israel Grand Winner na si Rose Fostanes.

Muling alalahanin ang tamis ng 90s sa pagbabalik ng magkapatid na sina Toni and Tom Taus sa "ASAP" stage, at makigalaw at makisayaw sa production number kasama ang mga miyembro ng Gimme 5 na sina Nash Aguas, Joaquin Lucas Reyes, John Immanuel Bermundo, Grae Fernandez, at Henry Arquiza.

Tutukan ang wild na hatawan nina Maja Salvador at Enrique Gil sa Supahdance, hanggangsa pagliyab ng dance floor sa ultra hot performances nina Kim Chiu, Jessy Mendiola, Gerald Anderson, Iya Villania, John Prats, Nikki Gil, Rayver Cruz, at Sam Milby.

Aapaw pa ng sorpresa sa “ASAP 19” sa vocal treats mula kina Piolo Pascual, Erik Santos, Tutti Caringal, ASAP HD’s Morissette, Klarisse and Angeline Quinto; ASAP Sessions kasama sina Yeng Constantino, Juris, Richard Poon, at Noel Cabangon; ang bonggang birthday treat para kay KZ Tandingan kasama si Zia Quizon; ang pinakabagong pasabog mula sa world-class performer na si Charice; at ang de-kalibreng mga performance mula sa "ASAP" icons na sina Martin Nievera at Gary Valenciano.

Huwag palampasin ang longest-running at award-winning variety show ng sambayanan, “ASAP 19,” ngayong Linggo, 12:15 ng tanghali sa ABS-CBN.

Para sa TV viewers na nais bumili ng ASAP official merchandise, bumisita lamang sa ABS-CBN Store sa ground floor ng ELJ building sa Quezon City, o bumisita lamang sa ABS-CBNstore.shopinas.com at MyRegalo.com. 

Makihang-out nang live kasama ang stars ng ASAP Chill-Out sa pamamagitan ng pag-log on sa ASAP.abs-cbn.com. Makisaya rin sa official networking accounts ng “ASAP 19” sa Facebook.com/asapofficial at Twitter.com/ASAPOFFICIAL, at makibalita sa latest happenings sa programa sa pamamagitan ng pag-tweet ng hashtag na #ASAPFantastic.

Patuloy ang pag-agapay ng DZMM sa mga biktima ng bagyong Yolanda sa pamamagitan ng fun run na “Tulong Na, Tabang Na, Tayo Na, Takbo Na” na gaganapin sa Mayo 4 na may 4AM na assembly time sa Bonifacio Global City sa Taguig.

Tanging 5km single category lang ang fun run na layong makalikom ng pondo para sa pag-aaral ng mga piling batang papasok sa Grade 1 na nasalanta ng bagyong Yolanda sa Kabisayaan at iba pang DZMM scholars. 

Maaaring lumahok sa fun run ang mga may edad na 7 taon at pataas. 

Magrehistro online sa dzmm.com.ph. 

Ang registration fee ay nagkakahalagang P630, ngunit may early bird rate na P550 para sa mga magrerehistro mula Marso 17 hanggang Abril 4. Ang mga magrerehistro ay mabibigyan ng race packet na may kalakip na race bib, singlet, at finisher’s kit na may bullcap at towelette. 

Ito na ang ikaapat na taong isasagawa ng DZMM ang fun run na may temang pang-edukasyon matapos ang “Takbo Para sa Karunungan” noong 2011, 2012, at 2013 para pondohan ang pag-aaral ng mga estudyanteng nasalanta ng bagyong Ondoy, Sendong, at Habagat. 

Sinimulan ng DZMM ang pagkakaroon ng fun run noong 1999 nang ilunsad nito ang “DZMM Takbo Para sa Kalikasan.” Isinagawa ito hanggang 2010 at nakapaglikom ng pondo para sa mga proyektong pangkalikasan katulad ng rehabilitasyon ng La Mesa watershed at ilog Pasig sa pakikipagtulungan ng “Bantay Kalikasan” ng ABS-CBN Foundation. 

Para sa on-site registration na mag-uumpisa sa Marso 24, pumunta lang sa ABS-CBN Tulong Center, Lopez Drive, Quezon City, Toby’s SM North Edsa The Block, Toby’s SM Mall of Asia, at R.O.X. Bonifacio High Street. 

Maaari ring i-download ang registration form sa dzmm.com.ph. 

Para sa mga katanungan, tumawag sa secretariat sa 887-6194 o 415-2272 local 5603 at 5674.

Muling saksihan ang nakakatuwa at nakakakilig na love story sa pagitan ng tao at mythical creature na ‘gumiho’ sa pagbabalik ng ABS-CBN ng hit Koreanovela na “My Girlfriend is a Gumiho” simula Lunes (Mar 17) sa Kapamilya Gold, bilang pagdiriwang ng kanilang mahigit isang dekada ng pagiging first and true home of Asianovelas sa telebisyon.

Hindi pa man ito umeere ay nag-trend na ang programa sa Twitter worldwide matapos bumuhos ang tweets ng netizens nang ipinalabas ng Kapamilya Network ang teaser plug ng napipintong pagbabalik nito.

Sariwain ang romansa at balikan ang 100 araw na pinagsamahan nina Dae Woong at Mi Ho. Dahil sa pagsagip ni Mi Ho sa buhay ni Dae Woong kung kaya’t napilitan ang binata na maging boyfriend nito sa loob ng nasabing araw.

Hindi mamalayan ni Dae Woong na nahuhulog na pala ang loob niya sa nine-tailed fox na nakaanyong babae.

Ngunit ang kanilang pagmamahalan ay mahahadlangan ng hangarin ni Mi Ho na maging isang ganap na tao dahil para maisakatuparan iyon ay kailanganang ibuwis ang buhay ni Dae Woong.

Huwag palalampasin ang “My Girlfriend is a Gumiho” simula Lunes (Mar 17), 5:15 PM, pagkatapos ng “Galema: Anak ni Zuma” sa Kapamilya Gold. Humanda rin sa ultimate throwback ng ABS-CBN dahil nalalapit na rin nilang ibalik sa ere ang Asianovela na nagsimula ng lahat, ang “Meteor Garden.”

Excited na makita muli ang kanyang partner pagkatapos nito mag-out-of-the-country, ang karakter ni Toni Gonzaga ay susubukang i-seduce si John Lloyd Cruz bilang Romeo gamit ang kanyang sexing katawan sa susunod na episode “Home Sweetie Home.”

Ngayong Linggo (Marso 16), babalik na mula sa Singapore si Romeo, at excited ang Valentino gamily sa kanyang pag-uwi—lalo na si Julie na nagpaalam pa sa school na mag-leave para makapag-bonding sila ng kanyang mister.

Bago magkita sina Julie at Romeo ay may isang co-teacher na nagbigay ng regalo kay Julie bilang pasasalamat dahil natulungan niya ito. Pagkakita sa kakaibang regalo, naisip ni Julie na magiging mas sexy siya gamit ito kaya perfect ang timing para sa pagdating ng kanyang asawa. Dahil sa regalo, maghahanap pa ng sexy outfit si Julie, at iisipin ang iba’t ibang paraan para gawing mas nakakaakit ang sarili para kay Romeo.

Ano kaya ang kakaibang regalong ito? Magugustuhan kaya ni Romeo ang kakaibang Julie na makikita niya o matu-turn off lang?

Huwag palampasin ang “Home Sweetie Home” at lahat ng ibang mga Kapamilya comedy shows. Panoorin ang “Banana Split: Extra Scoop” tuwing Sabado pagkatapos ng “Maalaala Mo Kaya”, ang “Banana Nite” tuwing weekdays pagkatapos ng “Bandila”, ang “LUV U tuwing Linggo pagkatapos ng “ASAP 19”, ang “Goin’ Bulilit” tuwing Linggo pagkatapos ng “TV Patrol Weekend”, at ang “Home Sweetie Home” tuwing Linggo pagkatapos ng “Goin’ Bulilit”.

Handa na ang Kapamilya stars na sina Julia Barretto at Enrique Gil para bihagin ang puso ng TV viewers ng ABS-CBN sa kauna-unahan nilang primetime teleseryeng pagtatambalan, ang "Mira Bella" na magsisimula nang umere ngayong Marso. 

"Lahat naman po ng artista, lalo na ang mga baguhang katulad ko, nangangarap na magkaroon ng sarili nilang teleserye, kaya ngayon pong binigyan ako ng ABS-CBN ng pagkakataong ito, gagawin ko po talaga ang best ko para mapaganda ang show namin,” pahayag ni Julia. 

Inamin naman ni Enrique na katulad ni Julia ay excited na rin siya para sa pagsisimula ng “Mira Bella.” Aniya, “Bagong experience siya sa akin kasi una kong fantaserye ito. Excited ako sa bagong lessons, bagong mga katrabaho, at sa bago kong character. Refreshing siya para sa akin.” 

Samantala, naniniwala sina Julia at Enrique na mae-enjoy ng mga manonood ang kwento ng kanilang upcoming fantaserye sa ABS-CBN. Ani Julia, “Tamang tama po para sa nalalapit na summer season ang ‘Mira Bella’ dahil iikot ang istorya nito sa pamilya, sa pag-ibig, at sa pagtanggap sa sarili sa kabila ng panlabas na kaanyuan. Sigurado pong maraming matututunan ang TV viewers, lalo na po ang mga kabataan.”

Gagampanan ni Julia sa “Mira Bella” ang karakter ng isang dalagang sinumpa na magkaroon ng balat na tulad ng isang kahoy na si Mira, na palihim na iniibig ng kanyang bulag na kaibigan na si Jeremy (Enrique). 

Sa kabila ng kanyang kakaibang katangian, lalaki si Mira na mabait at masunurin dahil sa pagmamahal ng mga magulang na umampon sa kanya na sina Osang (Pokwang) at Paeng (John ‘Sweet’ Lapus). 

Bukod kina Julia, Enrique, Sweet, at Pokwang, tampok din sa “Mira Bella” sina Sam Concepcion, Mylene Dizon, James Blanco, Mika dela Cruz, at Gloria Diaz. Ito ay sa ilalim ng direksyon nina Erick Salud, Jojo Saguin, at Jerome Pobocan. 

Ang “Mira Bella” ay ang pinakabagong obra ng Dreamscape Entertainment Television, ang grupong lumikha ng phenomenal TV program na “Walang Hanggan,” top-rating superhero teleserye na “Juan dela Cruz,” at ng malapit nang magtapos na “Honesto.” 

Abangan ang pagsibol ng naiibang kwento ng pag-ibig sa “Mira Bella” ngayong Marso na sa Primetime Bida ng ABS-CBN. 

Para sa karagdagang impormasyon kaugnay ng “Mira Bella” bisitahin lamang ang official social media accounts ng programa sa Facebook.com/MiraBellaOnline at Twitter.com/MiraBellaOnline.

Emosyonal ang naging pagbabalik ni Vhong Navarro sa ABS-CBN noontime show na “It’s Showtime” noong Sabado (Mar 8) kung saan pinasalamatan niya ang madlang people para sa kanilang mga dasal at suporta, mahigit sa isang buwan matapos siyang bugbugin sa isang condominium noong Enero.

Talaga namang inabangan at tinutukan ng TV viewers ang pagbabalik ni Vhong kung kaya’t pumalo ang programa sa national TV rating na 20.3%, malayo sa nakuha ng katapat nitong programa na “Eat Bulaga” (12.6%), ayon sa datos ng Kantar Media.

Bukod pa rito, sinalubong din ng netizens ang pagbabalik ni Vhong dahil mainit itong pinag-usapan sa social networking sites, lalo na sa Twitter kung saan naging worldwide trending topic ang hashtag na #WelcomeBackVhongNavarro.

"Gustung-gusto kong magpasalamat sa inyo nang personal dahil pinagtatanggol niyo ako, pinaniniwalaan niyo ako, at pinagdadasal niyo ako,” naiiyak na pahayag ni Vhong.

"’Yun po ang dahilan kaya ako nanatiling matatag, 'yun din po ang dahilan kung bakit ako nakatayo sa harap ninyo ngayon, at 'yun din po ang dahilan kaya gustong gusto ko na magtrabaho dahil ‘yun po ako eh. Gustong gusto ko magpasaya ng tao,” dagdag niya.

Bukod sa tuluyang pagbabalik ni Vhong sa “It’s Showtime,” simula na rin ngayong linggo ng mas mainit na pasikatan sa Twitter-trending na “Stars on 45” kung saan ang semi-finalists na may edad 45 at pataas ay magpapatalbugan sa pag-awit ng isang luma at isang usong kanta.

Pinatunayan na nilang hindi hadlang ang edad sa pag-abot ng pangarap, ngunit sino-sino kaya sa kanila ang tatanghaling pinakamaningning para makapasok sa grand finals?

Manatiling manood ng “It’s Showtime,” 12:30PM mula Lunes hanggang Biyernes at 12NN tuwing Sabado sa ABS-CBN. Para sa updates ng programa, sundan ang @ItsShowtimena sa Twitter, @ItsShowtimeOfficial_IG sa Instagram, o i-like ang www.facebook.com/itsShowtimena.

Non-stop surprises at de-kalibreng performances ang matutunghayan sa “ASAP 19” ngayong Linggo (Marso 9) na handog ang once-in-a-lifetime grand launch ng pinaka-inaabangang master serye ng ABS-CBN na “Ikaw Lamang,” sa pangunguna ng lead stars nitong sina Coco Martin, Kim Chiu, Julia Montes, at Jake Cuenca.

Kasama rin sa selebrasyon ang iba pang miyembro ng powerhouse cast ng “Ikaw Lamang” na sina Tirso Cruz, John Estrada, Angel Aquino, Ronaldo Valdez, Cherry Pie Picache, Daria Ramirez, Ronnie Lazaro, Spanky Manikan, Meryl Soriano, Lester Lansang, Zaijan jaranilla, Xyriel Manabat, Louise Abuel, at Alyana Angeles.

Bukod sa pagsalubong ng cast ng bagong Kapamilya teleserye, tuluy-tuloy ang kasiyahan ngayong Linggo hatid ng “Honesto” stars na sina Joel Torre, Cristine Reyes, Nonie Buencamino, Jason Fransisco, Malou Crisologo, Janna Agoncillo, Melissa Ricks, Eddie Garcia, Janice de Belen, Paulo Avelino, at Raikko Mateo sa grand farewell nito sa loyal viewers ng numero unong primetime teleserye.

Sa pinakaunang pagkakataon naman, magsasama ang Queen of Pinoy Soap Opera na si Judy Ann Santos-Agoncillo at ang kanyang anak na si Lucho sa “ASAP” stage; habang may must-see pasabog naman ang “Dyesebel” star na si Anne Curtis.

Maki-join din sa buong ASAP Kapamilya sa enggrande nitong back-to-back birthday bash para kina “ASAP” leading man Gerald Anderson at teen star Julia Barretto.

Kaabang-abang din ang nakakaaliw na performance ng teen stars na sina Nash Aguas, Alexa Ilacad, Jon Lucas, Janella Salvador, Marlo Mortel, Ella Cruz at Paul Salas ; at heartthrobs na sina Sam Concepcion at ang former Giggerboys na sina Robi Domingo, Enrique Gil, Enchong Dee, Chris Gutierrez, at Arron Villaflor.

Samantala, mabighani sa makapigil-hiningang dance moves sa Supah Dance kasama sina Maja Salvador, Rayver Cruz, John Prats, Iya Villania at Bugoy Cariño.

Tiyak namang makikikanta ang lahat sa natatanging concert experience na hatid nina Medwin Marfil of True Faith, Sam Milby, Yeng Constantino, Zia Quizon, Paolo Onesa, Tuti Caringal, at ang ASAP Sessionistas.Huwag ding palampasin ang nakakabilib na world-class concert spectacle mula kina Martin Nievera, Zsa Zsa Padilla, Piolo Pascual, Erik Santos, Angeline Quinto, at Gary Valenciano.

Huwag palampasin ang longest-running at award-winning variety show ng sambayanan, “ASAP 19,” ngayong Linggo, 12:15 ng tanghali sa ABS-CBN.

Para sa TV viewers na nais bumili ng ASAP official merchandise, bumisita lamang sa ABS-CBN Store sa ground floor ng ELJ building sa Quezon City, o bumisita lamang sa ABS-CBNstore.shopinas.com at MyRegalo.com.

Makihang-out nang live kasama ang stars ng ASAP Chill-Out sa pamamagitan ng pag-log on sa ASAP.abs-cbn.com. Makisaya rin sa official networking accounts ng “ASAP 19” sa Facebook.com/asapofficial at Twitter.com/ASAPOFFICIAL, at makibalita sa latest happenings sa programa sa pamamagitan ng pag-tweet ng hashtag na #ASAPCelebrate.