Boxing aficionados from all over the country should not miss this Friday's episode of Beki Boxer asAlwyn Uytingco takes the ring towards his character's entry to professional boxing.

After the successful schemes by boxing syndicate big boss Dalmacio (played by John Regala) against his family, Rocky Ponciano (Alwyn Uytingco) is forced to level up to the much complicated and competitive world of professional boxing. And while he's a step closer to his dreams of becoming a world-class champion boxer, Rocky faces tougher opponents and bigger challenges in the newest chapter of his boxing career.

Alwyn, known as 'The Tsunami'  in Beki Boxer universe due to his signature tsunami punch, will be facing real-life boxing legend, WBC Silver World Champion Denver "The Excitement" Cuello in the ring. 

Cuello, aged 27, has a record of 33 wins of which 21 are knockouts. The Ilonggo boxing champ would be playing the role of Marvin 'The Hammerhead' Ortega and is only the first of Rocky's list of fierce opponents to battle in his journey to become a professional boxing champion.

Catch the action this Friday on Beki Boxer, weeknights 7pm before Confessions Of A Torpe on TV5.

Sa kauna-unahang pagkakataon sa kasaysayan ng "Pinoy Big Brother," ipinakilala na ang bagong opisyal na 18 housemates nito kabilang na ang host na si Alex Gonzaga noong Linggo (Abril 27) sa tatlong magkakaibang ABS-CBN shows upang simulan ang isang season na puno ng sorpresa at rebelasyon.

Inilantad si Alex bilang housemate sa grand kickoff ng programa bilang ang Sassy Sister ng Rizal, ang pinakamalaking pasabog na talagang ikinagulat hindi lang ng taongbayan ngunit pati na ng kanyang kapatid at kapwa host na si Toni Gonzaga. Ani Kuya, pinapasok niya si Alex sa kanyang bahay nang sa gayon ay mas mailahad niya nang maayos ang kwento at pinagdadaanan ng housemates bilang host.

Nagsimulang ipakilala ng "PBB All In" ang Jock-Next-Door ng Taguig na si Axel Torres at ang Rising Celebriteen ng Quezon City, ang teen actress na si Jane Oineza sa "ASAP 19."

Nagpaalam naman sa outside world sa pamamagitan ng "Buzz ng Bayan" ang Biba Rakitera ng Valenzuela na si Cess Visitacion na dati nang nagbenta ng pirated DVDs at nag-extra sa mga teleserye at commercial; ang Simpatikong Salesman ng Camsur na si Chevin Cecilio na ngayo'y sinusubok ang swerte sa real estate sales para makatulong sa pamilya; at ang 15 anyos na si Nichole Baranda, ang Sweet Revelation ng Makati, na sumali ng "PBB" para mahanap ang kanyang sarili at para na rin sa kanyang ina na si Phoemela Baranda.

Sunod na ipinakilala sa grand kickoff ang Dancing Bombshell ng Boracay na si Aina Solano na nag-aaral na maging guro ng mermaid swimming, habang isang certified nurse naman ang relihiyosong si Jayme Jalandoni, ang 23 taong  gulang na Devoted Daughter ng Las Pinas.

Pareho namang 16 years old sina Joshua Garcia, ang Tatay's Boy ng Batangas, na huminto sa pag-aaral dahil sa hirap sa buhay, at Manolo Pedrosa, ang Wonder Son ng Quezon City, na hindi pa nagkakaroon ng girlfriend kahit na certified heartthrob ito sa mga kababaihan sa iba't ibang eskwelahan.

Nasulyapan din ng taongbayan ang Singing Sunshine ng Davao na si Maris Rascal, isang teenager na mahilig sa musika at marunong tumugtog ng piano, ukulele, at gitara, pati na ang Maginoong Marino ng Quezon na si Ranty Portento, isang seaman at ang pinakamatandang housemate ng season sa edad na 26.

Kabilang din sa celebrity housemates ang volleyball superstar na si Michelle Gumabao, ang Spunky Spiker ng Quezon City, na anak din ng dating actor-politician at ngayo'y pastor nang si Dennis Roldan.

Ipinakilala rin ang kambal na sina Fourth at Fifth Pagotan, ang Brad Bait at Brad Kulit ng Pasay na pinasok ang PBB house bilang individual housemates na maaaring ma-nominate at mapaalis ng Bahay na magkahiwalay. Isang chef sa isang five-star luxury hotel si Fourth, samantalang negosyanteng may-ari ng hamburger stall si Fifth.

Nariyan din ang theater actor na si Jacob Benedicto, ang Cutie Crooner ng Paranaque; ang freelance model at Mutya ng Pilipinas International 2011 na si Vickie Rushton, ang Lady Mahinhin ng Bacolod; at ang 15 anyos na estudyanteng si Loisa Andalio, ang Talented Darling ng Paranaque, isang miyembro ng grupong 3G na nagpe-perform sa mga mall show at fiesta.

Pinangunahan ng hosts na sina Toni, Bianca Gonzalez, John Prats, Robi Domingo, at Alex ang kickoff kung saan present ang dating housemates na sina Kim Chiu, Gerald Anderson, Zanjoe Marudo, Ejay Falcon, Jason Gainza, Nene Tamayo, Jason Francisco, Ryan Bang, Keanna Reeves, Yayo Aguila, James Reid, Gaby Dela Merced, Beauty Gonzalez, Myrtle Sarrosa, at Yves Flores.

Talaga namang naging mainit ang pagsalubong ng taongbayan sa bagong housemates dahil nagtala ang grand kickoff nito ng national TV rating na 20.5%, o doble sa nakuha ng kalabang programa na "Imbestigador" ng GMA (10.9%).

Pinag-usapan din ito sa Twitter kung saan nasakop ng "PBB All In" at ng housemates ang top 10 trending topics sa micro-blogging site na Twitter.

Samantala, samahan naman gabi-gabi ang "PBB Unlimited" Big Winner na si Slater Young at ang "PBB Teen Edition 4" housemates na sina Joj at Jai Agpangan sa "PBB Online Uplate" sa pinoybigbrother.com/livechatpara pag-usapan ang mga pangyayari sa loob ng Bahay ni Kuya.

Huwag bibitiw at subaybayan ang mga pangyayari sa loob ng Bahay ni Kuya sa "Pinoy Big Brother All In" gabi-gabi pagkatapos ng "Aquino & Abunda Tonight" sa Primetime Bida at sa "Pinoy Big Brother All In Uber" pagkatapos ng "Moon of Desire" sa Kapamilya Gold.

Alamin ang mga pinakabagong kaganapan sa Bahay ni Kuya at sundan ang kanyang Secretary sa @PBBabscbn sa Twitter o i-like ang  www.facebook.com/ OfficialPinoyBigBrotherAbsCbn.

Maaaring si Ephey Herher ang tinanghal na grand winner sa "That's My Tomboy" ng "It's Showtime, ngunit pagdating sa kantahan at hulaan ng tamang lyrics, makabawi kaya ang finalists na sina Pao Faraon, Sky Teotico, at Kim Andaya sa kanya? Tunghayan ngayong Huwebes (Mayo 1) sa pagtuntong nila sa entablado ng "The Singing Bee."

Bubuksan naman ng daily winners noong nakaraang linggo na sina Tetay, Sherylene Castor (kalokalike ni Jinkee Pacquiao), Markki Stroem, at Red Concepcion ang isa na namang masaya at kapana-panabik na linggo sa pagbabalik nila sa Lunes (Abril 28). Masusungkit na kaya ng isa sa kanila ang mailap na P1 milyong jackpot?

Maghahamunan sa bee-ritan ang teen stars na sina Sue Ramirez, Diego Loyzaga, John Manalo, at Hopia Legaspi sa Martes (Abril 29), habang sasabak sa naiibang kantahan ang mga mang-aawit na sina Paolo Santos, Jimmy Bondoc, Luke Mejares, at DJ Myke sa Miyerkules (Abril 30).

Patuloy na maki-BEErit sa daily vitamin BEE ng Pinoy na "The Singing Bee" kasama sina Roderick Paulate at Amy Perez mula Lunes hanggang Biyernes, 11 AM sa ABS-CBN. Para sa updates, i-like at i-follow ito sawww.facebook.com/singingbeeabscbn, www.twitter.com/TheSingingBeePH, at www.instagram.com/thesingingbeeph. Ipahayag ang inyong mga opinyon at komento sa programa gamit ang hashtag na #TheSingingBeePH.

Libu-libong runners mula sa siyam na iba't ibang lungsod sa Luzon ang nagkaisa at sumali sa pinakaunang simultaneous run ng ABS-CBN Regional Network Group (RNG) na "One Kapamilya Run" (OKR) para isulong ang kapakanan ng kalikasan sa kani-kanilang komunidad.


Alas singko pa lang ng umaga ay halos 5,000 na kalahok na ang nakitakbo para sa OKR na sabay-sabay na idinaos sa mga lungsod ng Dagupan (Pangasinan), Baguio (Benguet), Clark Airfield, Angeles (Pampanga), Santiago (Isabela), Laoag (Ilocos Norte), Batangas (Batangas), Puerto Princesa (Palawan), Naga (Camarines Sur) at Legazpi (Albay).

Ayon sa ABS-CBN RNG Luzon Public Service Officer na si Terry Aquino-Pedrocha, ang OKR ay hindi lang basta health and wellness event para sa mga sumaling runner.

Maghaharap-harap na ang Final Four na sina Bryan, Francis, Kayen, at Osie ng "The Biggest Loser Pinoy Edition Doubles" sa isang bigating pagtatapos sa inaabangang final weigh-in ng programa ngayong Sabado (April 26).

Makakatanggap ng home appliance showcase, business franchise package, P100 worth of sporting good and accessories, lifetime gym membership, at P 1 milyon ang bigatin na magbabawas ng pinakamalaking porsiyento ng kanilang paunang timbang at siyang tatanghaling Pinoy Biggest Loser. Kaya naman sa paglabas nila ng "Biggest Loser Doubles" camp, dala-dala ng Final Four ang lahat ng kanilang natutunan upang patuloy na magpapayat.

Unang pumasok sa Final Four si Bryan ng Team Magkapatid, na sa laki ng ipinayat ay pinakana-eenjoy ang mga maliliit na bagay na hindi niya nagagawa noong siya'y mabigat pa.

"Dati hindi ako makapag-de kwatro. Hirap na hirap akong tumalon dati. Ngayon, feeling ko lumilipad ako 'pag tumatalon ako," saad niya. Dagdag niya, anuman ang makuha niyang premyo sa finale ay gagamitin niya para magtayo ng negosyo upang makatulong sa kanilang pamilya.

Para naman sa kinabukasan ng kanyang anak ilalaan ni Kayen ang makukuha niyang cash prize. Ngunit aniya, hindi raw naging madali ang ipagpatuloy ang pagwo-work out sa labas ng camp lalo na't kinailangan niyang magtrabaho at asukasuhin ang anak.

"Lahat na lang ng itinuro sa amin sa camp para ma-sustain ang weight loss at para mas mag-lose pa, ipinagpatuloy ko lang. Pero nagsimula kami sa wala, at ngayon we got our health back. Super winner na kami du'n," sabi ng working mom.

Malaki rin daw ang papel ng asawa niyang si Carl, na nabigong makapasok sa Final Four, sa kanyang journey dahil ito ang nagbibigay sa kanya ng lakas ng loob kapag siya'y pinanghihinaan.

Samantala, itinuturing na 'dark horse' ng kumpetisyon ang Bagong Bigateam na sina Francis at Mommy Osie. Ayon sa dalawa, hindi nila kailanman inakalang makakaabot sila ng finale lalo pa't hindi sila magkakilala noong sila'y pinagpares at hindi rin magkasundo sa unang bahagi ng kumpetisyon.

"'Di namin inakala na lalagpas kami sa first elimination. Noong first phase halos hindi kami nag-uusap. Sa dami ng pinag-awayan namin, 'yun ang nagpatatag sa amin. Dumating ang time na naging common na ang decision namin, sa tingin pa lang alam na namin ang iniisip ng isa't isa," ani Francis.

Dahil buo silang makakarating sa finale, dodoble ang premyong mapapanalunan nila anumang place ang kanilang makuha.

Ngunit para kay Mommy Osie, hindi na mahalaga kung ano man ang maiwuuwi nila dahil nabigyan sila ng "Biggest Loser Doubles" ng panibagong buhay na hindi raw matutumbasan ng kahit anong halaga.

"Naibalik ko yung pagkatao na matagal na nawala sa akin. Hindi lang 'yung sinasabi nilang confidence. Para akong na-reborn nang paunti-unti. 'Yung buhay na nawala sa akin, naibabalik sa akin," pahayag niya.

Sino ang tatanghaling Pinoy Biggest Loser ng season? Huwag palampasin ang tatanghaling "The Biggest Loser Pinoy Edition Doubles: Ang Bigating Pagtatapos" ngayong Sabado ng gabi (April 26) kasama ang host na si Iza Calzado, challenge masters na sina Matteo Guidicelli at Robi Domingo, at fitness coaches na sina Jim at Toni Saret.

Para sa updates ukol sa programa, sundan lang ang @BLPinoyEdition sa Twitter at ang @biggestloserdoubles sa Instagram o i-like ang www.facebook.com/abscbn.biggestloserpinoyedition.

Inang mahilig panghimasukan ang personal na buhay ng anak ang karakter na bibigyang-buhay ni VinaMorales sa "Maalaala Mo Kaya" ng ABS-CBN ngayong Sabado (Abril 26).

Dahil sa naranasang paghihigpit ng kanyang ama, ipinangako ni Bambi (Vina) sa sarili na palalakihing malaya ang kanyang anak na si Donna (Ingrid dela Paz). Ngunit sa labis na pagiging malapit sa isa't isa, umabot ang pag-aasikaso ni Bambi sa anak hanggang sa paghahanap ng boyfriend nito.

Hanggang saan kayang tiisin ni Donna ang pakikialam ni Bambi sa kanyang buhay pag-ibig? Paano aabot sa lihim na pagkasuklam ang nararamdaman ng isang anak sa labis na suportang ibinibigay ng kanyang ina? 

Tampok rin sa "MMK" sina Bianca Casado, Benjie Paras, Lloyd Zaragoza, Markki Stroem, AJ Muhlach, Bryan Homecillo, Rez Cortez, Janice Corado, CJ Navato, Alexander Diaz, Elisse Hoson at Vangie Mortell. Ito ay sa ilalim ng direksyon ni Garry Fernando, panulat ni Arah Jell Badayos, at pananaliksik ni Michelle Joy Guerrero. 

Ang "MMK" ay pinamumunuan ng business unit head nito na si Malou Santos, production manager na si Roda Dela Cerna, at executive producers na sina Lindsay Anne Dizon at Fe Catherine San Pablo. 

Huwag palampasin ang longest-running drama anthology sa Asya, "MMK" ngayong Sabado ng gabi pagkatapos ng "Wansapanataym" sa ABS-CBN. Para sa iba pang updates, mag log on sa MMK.abs-cbn.com, sundan ag @MMKOfficial sa Twitter, at i-like ang Facebook.com/MMKOfficial.

Ngayong summer ng 2014, mas lalong umiinit ang panahon sa pagbabalik ng "Meteor" Fever na hatid ng ABS-CBN at Jeepney TV sa pag-eere muli nito ng hit asianovelang "Meteor Garden".

Mula noong bumalik ang serye nang nakaraang Marso 31, hinahanap hanap pa rin ng televiewers ang kwento ni Shan Cai at ang grupong F4 (Flower Four). Hindi lang nila sinusundan ang asianovela sa afternoon slot nito sa ABS-CBN, pero pati na rin sa pag-eere nito sa gabi, hatinggabi, at umaga sa Jeepney TV.

Ayon sa datos mula sa Kantar Media, ang national ratings ng Jeepney TV tuwing umeere ang asianovela sa primetime slot (8PM) nito ay tumaas nang 250% sa total urban Philippines at 239% sa Mega Manila mula Marso 31 hanggang Abril 9, 2014.

Nag-trending din ang "Meteor Garden" dahil sa fans ng show sa micro-blogging site na Twitter, sa Pilipinas man o worldwide.

Ipinagdiriwang din ng Jeepney TV ang pagbabalik ng "Meteor Garden" sa pag-umpisa nito ng "Spot the Meteor Promo" na tatakbo hanggang Abril 30. Sa promo ay maaaring magkaroon ng "ultimate throwback experience" ang isa sa mga masuwerteng fan ng show kasama ang isang companion na makakapuntang Taiwan sa Hunyo para bisitahin ang mga lugar na nakikita sa "Meteor Garden" tulad ng Yingde University at Royal Palm Boulevard.

Huwag palampasin ang "Meteor Garden" mula Lunes hanggang Biyernes ng 4:30pm sa Abs-CBN at sa Jeepney TV mula Lunes Hanggang Biyernes ng 8:00pm na may replay tuwing 2:15am at 10:45am sa susunod na araw. Binabalikan din ng Jeepney TV ang asianovela tuwing Sabado ng 2:00pm, 10:30am, at 9:00pm at tuwing Linggo ng 2:30am, 11:15am, at 10:00pm. Ang buong Season 2 ng "Meteor Garden" ay maaaring subaybayan sa Jeepney TV simula Mayo 12.

Para sa kumpletong mechanics para sa "Spot the Meteor" promo, pumunta sa JeepneyTV.ph.

Sukdulang pagpapakatotoo at all in na saya, experiences, mga pasabog, at sorpresa ang ihahain ng pinaka-sinusubaybayan at nag-iisang teleserye ng totoong buhay na "Pinoy Big Brother" (PBB) sa muling pagbubukas ng pinakasikat na bahay sa bansa ngayong Linggo (Abril 27).


Sa pinakabagong edisyon na pinamagatang "PBB All In" tampok ang bagong susubaybayang housemates na may edad na 15 hanggang 30 taong gulang na haharap sa iba't ibang challenges at susubukin ang pagpapakatotoo sa loob ng 100 days.

Pangungunahan ang "PBB All In" ng hosts na sina Toni Gonzaga, Bianca Gonzalez, John Prats, Robi Domingo, at ang bagong ka-hang out ni Kuya na si Alex Gonzaga.

Ngunit bago pa man ang grand kick-off ngayong Linggo ng gabi, may ilang housemates nang unang ipapakilala sa "ASAP 19" at "Buzz ng Bayan."

"Hindi ko alam kung anong pwedeng i-expect ng viewers sa 'PBB' kasi ang lahat na nangyayari sa loob ng bahay, unexpected. Pati kami, inaabangan namin kung ano ang mangyayari, ang bagong tasks, 'yung clash ng iba-ibang personalities," ani Toni.

Nagsimula si Toni bilang host noong unang regular season pa lang ng "PBB," ngunit hanggang ngayon ay excited pa rin daw siya kung ano ang mapapanood nilang bago sa show.

"I was only 21 when I joined 'PBB.' Hindi na siya trabaho para sa akin, kumbaga pangalawang pamilya ko na. Nag-mature at nag-grow ako dito hindi lang bilang host pero bilang tao na rin," dagdag niya.

Katulad ni Toni, matagal na ring nagsilbing mukha ng "PBB" si Bianca. "Ang taas-taas nagsimula ng 'PBB,' at ang challenge sa amin kung paano manatiling interesado ang mga tao sa show," aniya.

"Nagka-ten editions na kami, so ang ibang housemates, feeling nila alam na nila how to play the game. With the new season, gusto naming ibalik ang rawness na mayroon noong season one at ang pagiging totoo ng mix ng housemates," dagdag ni Bianca, na nagsimulang mag-host sa unang teen edition ng programa.

Makakasama ulit ni Bianca sina John at Robi sa "Uber" na mapapanood kada hapon sa Kapamilya Gold, at inaasahang mas magiging kwela pa ito sa pagpasok ni Alex.

Nang papiliin sina Sam Milby at Gerald Anderson kung trabaho o buhay pag-ibig, parehong pinili ng leading men ng "Dyesebel" na mas pagtuunan muna ng pansin ang trabaho.

Para sa 29 anyos na si Sam at 25 anyos na si Gerald, tsaka na nila iisipin ang pagpapakasal kapag lumampas na sila ng edad 30. Sa ngayon, mas tututukan daw muna nila ang karera upang makapag-ipon para sa kani-kanilang pamilya at magiging pamilya.

"Gusto kong mas tumagal sa showbiz kaya mas nagsisikap ako. Alam ko na hindi ito permanente kaya kailangang magsipag habang marami pang proyektong dumarating. Kailangan mo itong i-enjoy habang kaya mo pa at gamitin sa tama ang kinikita," pagbabahagi ni Sam sa "Tapatan Ni Tunying" na mapapanood ngayong Huwebes (Abril 24).

Siyam na taon matapos siyang sumali sa reality show na "Pinoy Big Brother" (PBB) noong 2005 at makapasok sa showbiz, nakapagpundar na ng sariling tahanan si Sam. Nagpapatakbo na rin siya ng dalawang negosyo, isang restaurant at isang coffee shop.

Kagaya ni Sam, sa "PBB" rin nagsimula si Gerald noong 2006. Matapos nito ay agad sumikat ang binata at hindi na nawalan ng proyekto sa telebisyon at pelikula.


"Na-inlove ako sa craft ng acting. Sabi ko sa sarili ko, 'Ito na. Ito na yung gusto ko,'" sabi niya.

Dagdag niya, masarap kumita ng pera habang ginagawa ang bagay na nagpapasaya sayo.

"Siyempre yung financial benefits andiyan. Ang buong pamilya ko, okay na okay ngayon dahil sa pagiging artista ko," paliwanag ni Gerald.

Sa ngayon, nakapagpatayo na siya ng sariling bahay sa Maynila at isa pa sa General Santos para naman sa kanyang ina.

Bukod sa makulay nilang pakikipagsapalaran sa showbiz, magbabahagi rin sina Sam at Gerald ng tungkol sa kontrobersyal nilang buhay pag-ibig.

Huwag palampasin ang "Tapatan ni Tunying" (TNT) ngayong Huwebes (Abril 24), sa bago nitong oras na 3:45 PM sa ABS-CBN Kapamilya Gold. Para sa updates, sundan ang @TNTunying sa Twitter at Instagram, o i-like ang www.facebook.com/TNTunying.

Sinu-sino kaya kina Kayen, Carl, Osie, Francis, at Bryan ang sasabak sa huling weigh-in na pinamagatang "Ang Bigating Pagtatapos" para maglaban-laban sa titulong Pinoy Biggest Loser ngayong Sabado (April 26)?

Bago ilantad ang Final Four, pinagdaanan muna ng limang contestants ang kanilang huling major challenge kung saan inakyat nila ang Mt. Pinatubo. Sa kanilang pag-hike, dala-dala nila ang isang bag na naglalaman ng kabuuang timbang na nabawas nila sa loob ng "Biggest Loser Doubles" camp. Sa bawat isa ng 11 istasyon na kanilang dinaanan bago makaabot sa crater, inihulog nila ang sandbags na katumbas ng timbang na nabawas nila sa bawat weigh-in.

"Ang ganda ng symbolism nito. Bundok, pataas ka, pero hinihila ka pababa ng timbang mo," ani Carl.

Ayon naman sa asawa niyang si Kayen, "Dinadasal ko na lang na makapasok kami ng Final Four dahil 'yun ang maglalagay ng exclamation point sa journey namin ni Carl."

Inalalayan naman ni Francis ang partner niyang si Mommy Osie sa kanilang pag-akyat. Sambit niya, "Kung iisipin mo, during sa stay namin sa camp, may times na naghihilaan kami pataas. This time, ako naman 'yun, tutulungan ko si Mommy Osie para umangat kami nang sabay."

"Ito ang sumpa ng bigat ko at gagawin ko ang lahat para huwag nang balikan 'yun. Alam ko paglabas ko sa camp, bagong buhay ang haharapin ko," sabi ni Mommy Osie matapos nilang marating ni Francis ang crater.

Pinakamabilis namang natapos ni Bryan ang nasabing challenge nang mag-isa, matapos matanggal ang kapatid niyang si Ikya sa kumpetisyon. Pahayag niya, "Iniwan ko na yung dating Bryan. 'Di man ako makasama sa Final 4, ito lang na naabot ko ang final stretch ng challenge, may napatunayan ako sa sarili ko."

Alamin kung sinu-sinong bigatin ang makakapasok sa Final Four ngayong Huwebes (April 24) sa "The Biggest Loser Pinoy Edition Doubles" pagkatapos ng "Aquino & Abunda Tonight" sa ABS-CBN Primetime Bida. Huwag namang palampasin kung sino ang tatanghaling pangalawang Pinoy Biggest Loser sa "The Biggest Loser Pinoy Edition Doubles: Ang Bigating Pagtatapos" ngayong Sabado ng gabi (April 26). Para sa updates ukol sa programa, sundan lang ang @BLPinoyEdition sa Twitter at ang @biggestloserdoubles sa Instagram o i-like angwww.facebook.com/abscbn.biggestloserpinoyedition.

Mismong si Angel Locsin ay napapabilib sa mga mapupusok na eksena at matatapang na linyang itinatampok nila sa pinakasinusubaybayang 'TV affair' ng ABS-CBN na "The Legal Wife." 

"Kakaiba ang mga linya na sinusulat ng mga writer namin. Kahit kaming mga artista ay kinikilabutan kahit pagkatapos naming gawin ang mga eksena," ani Angel na kilala na ng mga manonood bilang si Monica Santiago-De Villa, ang misis ni Adrian (Jericho Rosales) na may lihim na relasyon kay Nicole (Maja Salvador).

"Maganda siyang panoorin ng mga mag-asawa at kahit ng mga mag-boyfriend pa lang. Maraming nakaka-relate na viewers sa characters namin. Ako mismo ay maraming  natututunan sa show katulad ng paano i-handle ang pagseselos," paliwanag ng Kapamilya actress. 

Bagama't nauunawaan ang mga manonood na naiinis at nanggigigil kina Adrian at Nicole, nilinaw ni Angel na walang ibang hangarin ang kanilang teleserye kundi ang makapagbahagi ng isang istoryang kapupulutan ng aral. 

"Hindi naman tayo nandito para manghusga. Nandito ang 'The Legal Wife' para maghatid ng isang magandang kwento na magbibigay ng inspirasyon at pag-asa sa mga pamilyang dumadaan sa pagsubok," pahayag ni Angel. 

Magaganap na sa Miyerkules at Huwebes (Abril 23 at 24) ang pinakahihintay na komprontasyon nina Monica, Adrian at Nicole kaya huwag palampasin ang most followed 'TV affair' ng bayan, "The Legal Wife" pagkatapos ng "Ikaw Lamang" sa Primetime Bida ng ABS-CBN. 

Para sa karagdagang impormasyon, bisitahin lamang ang opisyal na website ng programa sawww.thelegalwife.abs-cbn.com at ang social networking sites na Facebook.com/thelegalwife2013, Instagram.com/iam_thelegalwife, at Twitter.com/IAmTheLegalWife.

Hindi ka lang nakatulong sa kapwa, magiging pag-aari mo pa ang sasakyang ng sikat na aktres na si Angel Locsin.

Simula Lunes (Apr 21), maari ng mag-bid ang publiko sa online auction ng 1970 Chevrolet Chevelle ni Angel na pangungunahan ng ABS-CBN Sagip Kapamilya para maipatayong muli ang mga nasirang paaralan dulot ng bagyong Yolanda.

Matatandaang idinonate ni Angel ang sariling muscle car sa Sagip Kapamilya at inatasan ang Sagip Kapamilya na isagawa ang auction. Hinimok rin ni Angel ang mga mahihilig sa sasakyan na suportahan siya sa kanyang layuning makatulong.

Ibinahagi rin ng 'The Legal Wife' star sa isang panayam sa "Kris TV" na matagal na niyang pangarap na magkaroon ng Chevelle kaya naman pumunta pa ito ng US para lang mabili ito.

Nang tanungin kung bakit niya ipapamigay ang kanyang dream car, sagot ni Angel ay nahihiya umano kasi siya na may ganoong luho habang marami ang nagdurusa dala ng trahedya.

Sa halagang hindi bababa sa P1 milyon, maaring mag-bid online sa http://auction.abs-cbn.com. Mag-register muna at gumawa ng inyong sariling account sa site bago makapag-bid.

Tatakbo ang auction mula Apr 21 hanggang Apr 30 lamang.  Iaanunsyo sa publiko ang mananalong bidder.  Para sa karagdagang impormasyon o mga katanungan, bumisita lang sa auction site o tumawag sa 4114995 para magpa-schedule ng viewing appointment.

Buhay na buhay ang bayanihan sa Basey, Samar kung saan nagtutulungan ang mga mangingisdang naapektuhan ng Bagyong Yolanda sa paggawa ng bangkang de motor. Gamit ang nalikom na donasyon, pinagkalooban ng Sagip Kapamilya ng ABS-CBN ang mga residente ng mga materyales para sa paggawa ng mga bagong bangka.

Laking pasasalamat ng mga manginigisda sa proyekto na tutulong sa pagbangon muli ng kanilang kabuhayan.

"Posibleng mapag-aral ko na ang dalawa kong anak na gustong mag-kolehiyo," pahayag ng mangingisdang si Sanito Colminar sa panayam ng "TV Patrol."

Mahigit sa 465 bangkang de motor ang pinagtutulungang buuin ng mga residente sa Basey na ipapamahagi sa mga mangingisda sa 20 coastal barangays doon. Ang ilang bangka ay magagamit na sa susunod na linggo.

Layon ng Sagip Kapamilya at Bantay Kalikasan na makapagpamahagi ng 4,000 bangka sa mga residente ng Basey, Dulag, Leyte, at pati na rin sa Sta. Rita sa Leyte at Marabut sa Samar. Sa kabuuan, 303 bangka at iba pang kagamitan sa pangingisda ang naipamigay na sa iba't-ibang coastal areas.

Ang mga bayan ng Basey at Dulag ang opisyal na itinalaga ni Pangulong Benigno Aquino III, sa pamamagitan ni Presidential Assistant for Rehabilitation and Recovery (PARR) Panfilo Lacson, sa ABS-CBN para pagtuunan ng mga proyektong pang-rehabilitasyon. Nag-aabot din ang Sagip Kapamilya ng tulong sa kalapit na bayan nitong Marabut at Sta. Rita.

Nakakasa na rin ang pagpapatayo sa 108 na silid-aralan sa Basey at Dulag. Dalawampu't isa dito ang nasimulan na habang apat ang nakatindig na at handa nang gamitin sa pasukan.

Tuloy-tuloy din ang pamamahagi ng tulong ng Sagip Kapamilya sa mga nasalanta. Noong Marso 31 ay mayroon na itong 3,636,475 indibidwal na naabutan ng relief goods.

Bukod dito ay tumutulong din ang Sagip Kapamilya sa pagpapanumbalik ng turismo sa Basey na tanyag sa atraksyon nitong Sohoton Cave. Sampung kayak boats ang ipinagkaloob sa ecotourism site doon.

Ang iba pang proyektong pangkabuhayan na inihahanda para sa mga taga-Basey at Dulag ay ang pagpapadami ng alimango, pagtatanim, paghahabi ng banig, at pagpapa-unlad ng ecotourism.

Para sa updates tungkol sa mga proyekto ng Sagip Kapamilya ng ABS-CBN para sa survivors ng bagyong Yolanda at detalye sa donasyon, bisitahin lamang ang www.abs-cbnnews.com/tulongph.

 

Limang pagkilala mula sa prestihiyong New York Festivals ang natamo ng ABS-CBN kamakailan kabilang na ang dalawang world medals para sa dokumentaryo nitong "Agosto Beinte-Uno" at investigative program na "Failon Ngayon."

Wagi ng silver world medal sa Graphic Design: Promotion/Open & ID category ang espesyal na dokyu na Agosto Beinte-Uno: Ang Pagpatay kay Ninoy Aquino" kung saan sinariwa at muling binalikan ang pagpatay sa dating senador ng bansa na si Benigno "Ninoy" Aquino Jr. Ginawaran din ang naturang entry ng finalist certificate para sa Biography/Profiles category.

Samantala, pinarangalan naman ng world bronze medal sa Current Affairs category ang programang "Failon Ngayon" ni Ted Failon para sa episode nito na 'Tagas ng Minahan' kung saan binusisi ang panganib na dala ng pagtagas ng mine tailings kaugnay sa isang insidentent nagkontamina sa Balog river na dumaloy hanggang San Roque Dam.

Nakatanggap rin ng finalist certificates ang educational program ni Kim Atienza na "Matanglawin" sa Educational/Instructional category para sa episode nitong 'Elephants' at ABS-CBN Creative Communications Management sa Green Promotion category para sa plug nitong 'Sprout.'

Ito na ang ika-57 taon ng New York Festivals, na inoorganisa ng  International Television & Film Awards, sa pagbibigay parangal sa pinakamahuhusay na palabas sa TV at pelikula sa buong mundo. Ngayong taon, nagbigay ng 140 Gold World Medals, 146 Silver, 112 Bronze, at 235 Finalist Certificates ang NYF GrandJury mula sa mga entries na galing pa sa mahigit 50 bansa.

Muling sasabak sa acting ang hosts ng numero unong Kapamilya noontime show na “It’s Showtime” para isabuhay ang limang kwentong hango sa totoong buhay upang magbigay ng inspirasyon sa madlang people ngayong Semana Santa.

Sa Holy Week special ng programa ngayong Lunes (Abril 14), matutunghayan ang life story ng “Stars on 45” grand champion Haydee Manosca, na gagampanan ni Karylle, at ng second runner-up na si Charlie Fry, na gagampanan naman ni Billy Crawford.

Sa Martes (Abril 15), mapapanood si Vice Ganda bilang ang “Stars on 45” wildcard contestant na si Reuben Quilantang upang ibahagi kung ano ang pinagdaanan nito bago siya nakatuntong sa “Showtime” stage.

Sa kauna-unahang pagkakataon naman ay gagampanan ni Coleen Garcia ang papel ng isang tomboy upang isabuhay ang life story ng “That’s My Tomboy” finalist na si Chucks Ledbetter. Susundan ito ng nakakaantig na kwento ng Vhong Navarro “Kalokalike” na si Mark Tyler Dela Cruz. Gagampanan ito mismo ni Vhong, na sinabing hindi niya inakalang mahihirapan siyang atakihin ang karakter ng “Kalokalike” niya.

Tampok din sa Holy Week special sina Jhong Hilario, Kuya Kim Atienza, Teddy Corpuz, Jugs Jugueta, Ryan Bang, at Eruption, at ilang mga batikang aktor at aktres sa industriya bilang special guests sa natatanging roles na siguradong aantig sa puso ng mga manonood.

Huwag palampasin ang Holy Week special ng “It’s Showtime,” 12:30PM ngayong Lunes hanggang Miyerkules (Abril 14-16) sa ABS-CBN. Para sa updates ng programa, sundan ang @ItsShowtimena sa Twitter, @ItsShowtimeOfficial_IG sa Instagram, o i-like ang www.facebook.com/itsShowtimena. Para sa exclusive photos at videos, bisitahin ang official website ng “It’s Showtime” na itsshowtime.abs-cbn.com.