Richard Gutierrez is Paired with Carla Abellana in 'Makapiling Kang Muli'

Magkaiba man ng estado sa buhay, lumaking malapit na magkabigan at naging magkasintahan sina Martin, isang trabahador sa rancho, at Leilani, ang anak ng abugado ng pamilyang may-ari sa rancho. Subalit sa pagkamatay ng ama ni Leilani, aakalain niyang trinaydor siya ni Martin – kaya’t magpapakalayu-layo ang dalaga, kahit mahal pa niya ang kababata. Si Martin naman ay mahuhulog ang loob kay Graciela, ang kasintahan ni Louie, anak ng may-ari ng rancho. Dahil sa pagtitinginang iyon, palalabasin ni Louie na nakapatay si Martin. Makukulong ito, at muling silang magkakatagpo ni Leilani na isa nang abugado at tutulong sa kanyang makalaya.

Titibok bang muli ang puso ni Martin para sa kababata o babalikan ba niya si Graciela na asawa na ni Louie? Paano babaguhin ng lihim ng kanyang pagkatao ang kanyang laban para sa katarungan at pag-ibig?